@@ألذ كفته في العالم جربوا واحكموا@@

ألذ كفته في العالم جربوا واحكموا

--------------------------------------------------------------------------------

السلام عليكم ياعرايس
قرب ينتهي هذا الشهر الفضيل ونسأل الله ان تكون قد غفرت خطايانا جميعا
هذي بالنسبة لي اول موضوع اكتبهوبالاصح اول مرة اكتب في اي منتدى
اتمنى انه يعجبكم
وبما اني احب الطبخ فبكتب لكم وصفة لكفته لذيييييييييذة وهي طريقة الوالدة الله يحفظها وأنا عن نفس أمووووووووت فيها وزجي بعد الله يحفظه ويخليه لي انشااالله

قولوا انشاالله

نبدأ باسم الله

المقادير:
1 كيلو لحم بدون عظم
1/2 كوب عدس نخي
1 علبة روب
1/2 م ص كركم
1 م ص فلفل أحمر
1 م ص قرم مسالا
2 م ص ملح
عصير ليمونة واحدة
1/2 رزمة بقدونس
1/4 رزمة نعناع
1/4 رزمة كزبرة
6 حبات ثوم
4 حبات هيل
3حبات قرنفل
1 عود قرفة

الطريقة:
نغسل اللحم جيدا ونضع 3/4 الكمية عالى النار مع الهيل والقرفةوالقرنفل مع 5اكواب ماء"مب مهمه كمية الماء اهم شي ان يستوي اللحم جيدا" يعني نتركه عالى النار لمدة ساعه او اكثر اذا مالزم ..
وبعدين ياعرايس ناخذ العدس ونغسله وننقعه لمدة 20 دقيقة وبعده نحطه عالنار علشان يستوي بروحه مب تخبصون الدنا وتحطونه مع اللحم
يعني يبيله تقريبا 1/2 ساعة
وبعد مايستوون الاثنين نصفيهم من الماي ألحين نحطهم مع بعض"العدس واللحم" ونصيف الروب والفلفل الاحمر والكركم والقرم مسالا ونره عانار مرة ثانيه بس علشان ينشف الماي تماما ونحرك باستمرار لايحترق عليكم

وبعد ماينشف الماي نرفعه عن النار ونخليه يبرد ونضيف الليمون واوراق النعناع والكزبرة والبقدونس والثوم يعني باقي المقادير والملح..

ألحين 1/4 كمية اللحم الي ماسويناه نضيفه معاهم ونطحنهم دفعة دفعة في الخلاط الخاص للحم ..
وأخيرا نشكله "كور صغيرة أو مسطحه مثل البرغر" ونقليه في كمية زيت بسيطة حتى يحمر..وممكن تسوين منه سندويشات أو مع الغدا اوكحشوة

ملاحظة
ممكن تحتفظين بالكفته بعد ماتشكلينها في الفريزر وتقلينها متى ماتبين..

ياعرايس أمانه إلي تجربه تقولي رايها ناطرتكم

وبالعافية ولاتنسوني في دعواتكم
ربي يصبرنا عالغربة